المصرى اللى هو !!!!!!!!!!!!

لكم من اخوكم علاء المصرى


المصري هو اللي لو عمل حاجة حلوة يبعت لجاره طبق يدوقه
وهو اللي لو لقى الدنيا بتشتّي يجري يخبّط عليك يقولك لمّ الغسيل
وهو اللي لو شم عندك حاجة بتتحرق يجري يطمن عليك لا تكون اتخنقت
وهو اللي لو سمع صوت زعيق وخناق عندك يجي يصلح
وهو اللي لو لقى خناقة في الشارع يقف يحوش مش بس يتفرّج
وهو اللي لو لقى حد بيغرق يجري ينط في الميه حتى لو هيغرق معاه
وهو اللي لو اتفرط منك كيس الجوافة في الشارع يقف يلمّ معاك



**********

المصري هو اللي لو حس انك مزنوق يعملك جمعية مخصوص و يقبّضك الأول
و هو اللي يقف معاك في الأحزان و الأفراح زي مايكون من بقية اهلك
و هو اللي يلمّلك من الركاب فلوس لو مرتبك اتسرق منك في الأتوبيس رغم انه مايعرفكش
و هو اللي لو لقاك في مواصلة و كان عارفك يحلف ميت يمين ليدفعلك الأجرة حتى لو مافيش في جيبه غير نص جنيه


**********

المصري هو اللي يقعد معاك ع الفطار في رمضان
المصري اللي يشتري بالونات لولادك في العيد
المصري اللي يقف جنبك وانت بتدبح الاضحية
المصري اللي يباركلك لما ابنك يجيب مجموع ويساعدك يجيبله شغلانة
المصري اللي ييجي يقولك تجيب كشاكيل و أقلام بالجملة عشان توفر المصاريف


**********

طيبة المصري مش ممكن تلاقي زيّها فى اي بلد تانية


ياااااااااااااااااااااااااااااااااة الموضوع دة من اجمل ما قرأت والله
فعلا مفيش زى طيبة المصرى والله العظيم بجد !!!!!

ياااااااااااااااااااااااااااااااااه


مفيش كلمه شكر اقدر اوصف بيها سعادتى بالموضوع ياعلاء يامصرى

والله العظيم اتاثرت بالموضوع ده شويه وهعيط

يالا جزاك الله خير وربنا يبارك فى كل مصرى

sarahbosy كتب:

مفيش كلمه شكر اقدر اوصف بيها سعادتى بالموضوع ياعلاء يامصرى

والله العظيم اتاثرت بالموضوع ده شويه وهعيط

مش للدرجة دى يا سارة

اوعى تعيطى ما تحسسنيش بالذنب يا بنت الناس

بس فعلا ً والله أنا شخصيا ً معجب بالشعب المصرى جدا جدا والله

ومش لاقى حد زيه فى العالم

هو ممكن تكون فى شوية سلبيات

بس برضو هما خير جنود الله فى الارض

مشكورة جدا يا سارة
وانا مبسوط ان الموضوع عجبك

اى خدمة

DiaBAwY كتب:

المصرى اللى حضرتك بتتكلم علية

كنت بشوفه فى المنصورة كتيييير

بس من يوم ما عشت فى القاهرة ما شوفتوش

دا انا حتى بقيت بتكسف اقول سلام عليكم

لاحسن ما يردش عليا

ليه كدة يا DiaBAwY الناس الكويسين فى القاهرة كويسين قوى

انا عندى مثلا ً فى العمارة اللى ساكن فيها فى الحى العاشر

سكان العمارة اقترحوا فكرة اننا نشترك ونجيب واحد ينظف سلم العمارة

وانا طالع ونازل على السلم بنقول السلام عليكم على بعضينا

والراجل اللى ساكن جنب شقتى خبط علينا فى يوم وقال لو احتجتوا اى حاجة انا فى خدمتكم

يعنى لسه فى خير بس ندور عليه

ويا سيدى جرب انك تقول السلام عليكم لاى حد

حتلاقيه يرد عليك

وكمان لو دردتش معاه مش هيكون عنده اى مانع ....!!!!!

لا المصري اللي بتتكلم عنه ده كان زمان لكن دلوقتي مفيش الكلام ده خالص
ده انا حتى معرفش حد خالص في منطقتي غير اسماء جيراني في عمارتي مجرد اسماء ومش انا لوحدي اللي كده الناس كلها عندنا كده لا بجد انا مش معاك خاااااااااااااااااااااااااااااااااااالص

yasmein كتب:

لا المصري اللي بتتكلم عنه ده كان زمان لكن دلوقتي مفيش الكلام ده خالص
ده انا حتى معرفش حد خالص في منطقتي غير اسماء جيراني في عمارتي مجرد اسماء ومش انا لوحدي اللي كده الناس كلها عندنا كده لا بجد انا مش معاك خاااااااااااااااااااااااااااااااااااالص

والله يا ياسمين دى حاجة مؤسفه جدا

بس والله العظيم فى مصريين كويسين قوى

انا عن نفسى بقابل ناس جمال وخفاف قوى

بس نعمل ايه علشان المصرى بتاع زمان يرجع تانى ....؟؟؟؟؟؟

انا اللى ملاحظه على سكان القاهرة بالذات انهم ماديين جدا جدا
يعنى اهم حاجة عندهم الفلوس ..... والفلوس عمرها ما كانت غاية

انا مش عارف اقول ايه والله

المصريين لازم بكونوا احسن من كدة

انا عندى حل اننا نعمل بوصية الرسول

"أفشوا السلام بينكم تحابوا "

ايه رايك يا ياسمين

اننا نرد السلام على كل الناس

جيراننا ... فى المواصلات ...فى الكلية ....فى كل مكان اللى نعرفه واللى منعرفوش
وان شاء الله هنرجع المصرى بتاع زمان

ياريت الاعضاء يشاركوناا بحلولهم

هههههههههههههههههههه اعتقد يا علاء انك اخر الرجال المحترمين

بحق


ولا علشان انت اسمك علاء (المصرى )؟
ههههههههههههههه

ايه يا عم كابوكا

خلى عندك شوية تقائل

انا مش فاهم ازاى المصريين بيقولوا على نفسهم كدة

امال الناس التانية تقول ايه علينا

خلى عندكم شوية انتماء

طب بالزمة يا كابوكا دى مش حاجة تكسف .....؟؟؟؟؟؟

قولى الحل ايه ...يا باش مهندز

علاء المصرى كتب:

انا عندى حل اننا نعمل بوصية الرسول

"أفشوا السلام بينكم تحابوا "

ايه رايك يا ياسمين

اننا نرد السلام على كل الناس

والله يا أستاذ علاء انت متفائل اوي هو حد بيقول سلامو عليكو اصلا والي بيقولها يعني بيقولها كده زي بعضه لكن مفيش حاجة من اللي بتتكلم عليها دي خالص الامن رحم ربي ودول يتعدوا يا أستاذ علاء

yasmein كتب:

[quote="

والله يا أستاذ علاء انت متفائل اوي هو حد بيقول سلامو عليكو اصلا والي بيقولها يعني بيقولها كده زي بعضه لكن مفيش حاجة من اللي بتتكلم عليها دي خالص الامن رحم ربي ودول يتعدوا يا أستاذ علاء[/quote]

يااااااااااااااااااااااااااااااااااااااااااااااااااااااااااه

دانا كنت مفتكر المصريين دووول ناس كويسين

اما حتة مقلب يا جدعان ...!!!!!

معقووووووووووووول

انا طلعت طيب اوى

لالالالالالالالالالالالالالالا

مش مقلب ولا حاجه يلاعلاء والله فى ناس كتير كويسه اوى

احنا عندنا المصريين زى ما هما الا القله طبعا لكن بجد كل الى قولته ياعلاء لسه موجود

والله ياجماعه لسه فى ناس كده كتيييييييييييييير

ربنا يجبر بخاطرك يا سارة


انا قولت كدة من الاول المصرى مصرى

والدليل على كدة ان فى مصريين كويسين زيك كدة يا سارة

وكل اللى فى المنتدى

بس احنا عايزن نتحرك شوية وكل شىء هيتصلح حاله

ربنا يكرمك ياعلاء

بس انا كنت عايزه والله ان ده بيحصل عندنا فعلا ممكن علشان منطقه شعبيه مش عارفه

بس المهم انه بيحصل

جه والله ياعلاء كان مره فى العيد كان عندنا حاله وفاه ومعملناش طبعا الكحك والبسكويت والحاجات دى لقيت طنط جارتنا بعدت لينا صنيه كبيره فيها كحك وبسكويت

انا فرحت بس فرحت بالكحك اكتر هههههههههههههه


يالا كل سنه وانتم طيبين ومتفقدوش الامل فى المصرى

sarahbosy كتب:

جه والله ياعلاء كان مره فى العيد كان عندنا حاله وفاه ومعملناش طبعا الكحك والبسكويت والحاجات دى لقيت طنط جارتنا بعدت لينا صنيه كبيره فيها كحك وبسكويت

انا فرحت بس فرحت بالكحك اكتر هههههههههههههه

تمام كدة يا سارة

المصريين لسه موجودى بأصالتهم

لسه فيهم ومنهم الخير