اسئله ترودني عن الحب واريد معرفت وجهت نظركم

السلام عليكم ورحمة الله وبركاته


أسألة تراودني بعد قراتي لكلمة حب هل هي ضيقه أم واسعة المعنى هل هو قدر أم قرار هل هو تمني او أحلام هل هو مطالبه أو أهداف ؟

وأبدأ افكر في الكلمة وأجيب على أسألتي ...

الحب قد يختارنا رغم عنا .....

لانملك له سيطرة ولا قرار يدخل بدون مفتاح ..

ننهزم أمام سطوته ونضيع امام جبروته ...

ويحتلنا شبرا شبرا دون أذنا مسبق منا....

...لاندرك مدى احتلاله لنا ولا نكتشف ابعاده الا بعد فوات الاوان
يأمر
و ينهى كيفما شاء وقت يشاء ...
لا نملك الا الطاعه العمياء وتنفيذ كل أشارة تلوح منه
وكل رغبه يتمناها
وكل نظره يرجوها
وكل كلمه يطلبها ...
نتدثر بدفئه ونستظل تحت جناحه
ونلتصق بكل مايتعلق به و لا نتمنى الا رضاه .
تذوب ذاتنا في ذاته .... تمتزج ... تختلط معه
وتضيع داخله ولا نعد نملك كيان منفصل ...
لا نملك نبض قلوبنا ولا نظام اجسادنا
لا نملك سيطرة على دموعنا .. ولا على ابتساماتنا ..
ولا تحكم بنظرات عيوننا ولا تحديد ملامحنا ..
يرسم لنا ملامح جديده ... يمتلك مفاتيحنا وألواننا وأمزجتنا ...
يغير عناويننا وتواريخنا .. وايامنا ..
يرسم لنا خريطة جديده لا نخرج من حدودها ولا نمارس فيها الحريه ...
لا نعد نملك شيئاً ......
حتى لا نملك المقدره على أخفاءه ...
يمنحنا ملامح واضحه مكشوفه لا يسترها أي قنااااااع ...
مهما كانت مهارتنا في صنعه ...
لا نملك حتى اختيار من نحب ....
لا نملك هذا الخيار ابدا ...
لاندرك مدى تغلغله ومدى اتساعه وانتشاره في اعماقنا ...
الا حين يغيب عنا ونشعر بفداحة وبشاعة الفراغ الذي خلفه وراءه في صفحات ارواحنا
ومحطات ايامنا ..
تتوقف الحياة داخلنا وتنسحب بالتدريج حتى نغدو جثث هامده ...
يتوقف الوقت وتتجمد عقارب الساعه عند زمناً معين ** زمن الغياب
تغدو حياتنا طلاسم لا نفهمها ..
تتحول الى ألم لا نستوعبه ولانستطيع ايقافه ...
ندرك بعد ذلك اننا اموات نحمل عناء اجسادنا الفارغه أينما توجهنا ...
بلا هدف ولا معنى ..
حين يسلبنا كل شيء ....
يقدم لنا العالم كله هديه لنا نصبح ملوكا في الحب ...
لا يعد الفقير فقيراً حين يداهمه ثراء الحب ...
ولا يعد الغني غني حين لا يحتله ذالك الحب ...
لا يعد يكترث بأمواله ولا تعد تعني له شيئاً حين يخسر الحب ...

وبعد كل هذا التحليل هل يبقى من جواب ؟؟ لكل منا له وجهة نظر في الحب ولكل انسان له ذوقه في تعاطي الحب لكن سؤالي هل للحب ذوق وفن وابداع ؟؟ أم هي مشاعر أم هي أوهام ونعيش باسم العيش فقط أو هي أوقات نوقتها متى نحب وفي اي ساعة نبدأ مراسيم الحب أم هي مشاعر بسيطه تلقائيه تخرج عند وجودها ام هي سلع للترفيه وقت الفراغ ولعب بالمشاعر لمجرد الرفاهيه وسد فراغ النفس وعند الملل نرميها في مزبلة الماضي ؟؟؟؟؟؟؟؟ ...........
هل لأحدا وجهت نظر؟ الرجاء التكرم علينا بها

*(بــــــــحبـــــــــــك)*.

هل لأحدا وجهت نظر؟ الرجاء التكرم علينا بها

مين البنت دى يا احمد اللى فى الصورة ههههههههههههههههههههه

بصراحة يا استاذ احمد كلام حضرتك يكاد يكون هو الحقيقة بالفعل
للحب ذوق وفن وابداع ؟؟ أم هي مشاعر أم هي أوهام ونعيش باسم العيش فقط أو هي أوقات نوقتها متى نحب وفي اي ساعة نبدأ مراسيم الحب أم هي مشاعر بسيطه تلقائيه تخرج عند وجودها ام هي سلع للترفيه وقت الفراغ ولعب بالمشاعر لمجرد الرفاهيه وسد فراغ النفس وعند الملل نرميها في مزبلة الماضي ؟؟؟؟؟؟؟؟ ...........كل الاجابة على هذة الاسئلة (نعم)
لكن يبقى شىء اخير
هو ان كل انسان لديه القدرة على الحب كيف ما شاء ووقت ما شاء
ولدية القدرة ايضا على انهاء هذا الحب فورا بدون اى صعوبة
يعنى الانسان هذا الكائن المخلوق من قبل الله
اقوى بكثير من ان مشاعرة تتحكم فيه
مشكوووووووووووووووور جدا ربنا يبارك فى حضرتك

لا متخافش يا داعى الصوره دى .دعــــــــــايه لموضوع (يااشباب  ترضى تلبس حبيبتك النقاب وانتى يا فتاه تقبلى )يا ريتك تشارك برأيك .أنما الصوره دى  فأنا معرفش  بتاعت مين أصلاههههههههههه.شكرا يا محمد بس أهم حاجه فين  ردك على الموضوع

شكرا  يا علاء ع ردك اللى كنت منتظره.

انا وراك على طول
مش حسيب اى موضوع الا لما ارد عليه
شكرا جدا ليك يا ساهر

شكرا يا علاااااااااااااااء وانا كمان ان شااااااااااء الله معاك فى كل مواضيعك

والى الاماااااااااااام يا صديقى

وعلى فكره انت شخصيه محترمه جدا جدا والله انا حبيتك

فى الاول ازيك وكل عام وانت لله قريب
بص فية عند الانسان طاقة للحب بس مهمة الانسان انة يسخر الطاقة دى فيم يرضى الله ورسوله صلى الله عليه وسلم تمم فية للحب دة فراغ فى القلب مهمتك تملا الفراغ دة بطاقة الحب الى عندك ولا بد نا يكون حبك يتمثل فى حب الله ورسوله ثم الوالدين وحب الناس وذا تبقى طاقة بعد حب الله املاها انت بمعرفتك كيفما تشاء ولكن اخى المسلم
بكا يرضى الله بس
دى نصيحة
ولك ان تاخذ بها ولك ان تتركها وارجو منك الاطلاع والرد بسرعة اوك
استودعك الله]

اولا انا بحيك جدا على اسلوبك اللبق فى الحوار وكلماتك المرتبه الشجيه الجميله

بس انا مش عارف فى النهايه انت تقصد ان تنصحنى بأيه..ما فى أحد انكر حبنا لله ولرسوله انما ..انا فى مقصدى عامه ان الحب هو حب الزوج لزوجته او الخطيب لخطيبته أقصد الحب الذى ليس لذوى المحارم..وان أحببت فتاه فأبادر بمعرفه طريق بيتها لاطلبها للزواج..

وان تفاجئت فتاه بشاب قال لها احبك تقول عنوان بيتى كذا..اما ما سوا ذلك فأنا لا اسميه حبا انا اسمهيه هوى ونعوذ بالله منه

الموضوع ده جميل جدا
بس انا بدايق لان قيمته يوم عن يوم بحس انها بتقل
و ان الحب اللى هو بجد و اللى فعلا فيه تضحيه من الطرفين و كل المشاعر الجميله
بقى قليل اوى مش هقول مش موجود بس هو قلّ

تانى حاجه يعنى احمد انت اتكلمت عن الحب فى الاول و وصفته و كأنه
لما حد بيحب حد ما لوش اى اختيار ولا رأى و ان الحب ده هيحصل غصب عنه
و ان احنا لا نملك له الا الطاعه العمياء و تنفيذ كل اشارة تلوح منه
و كل رغبه يتمناها و كل نظرة يرجوها و...و...و....

يعنى بصراحه يا احمد انت مزودها شويه
مش للدرجادى يعنى اكيد بنفكر و لو فى اول الموضوع
يعنى مفيش حد هيحب بالدرجه الكبيره دى الا لو عنده اسباب
و الاسباب دى مش هتيجى الا لما يفكر
ممكن تكون انت مش متخيل كده عشان مثلا فعلا فيه ناس بتحب بسرعه
بس بجد لو سألته او سألتها عب سبب الحب هتجاوب
معنى كده انها فكرت و لو بطريقه غير مباشره

اخيرا بقى انت فى الاخر بدأت اسئلتك بـ"هل للحب ذوق وفن وابداع ؟؟"
و يمكن ده اكتر سؤال اقنعنى او حسيت ان الحب فن و ابداع
و ما اقصدش تمثيل ابدا ده ما يبقاش حب اصلا
انا اقصد تصرفات و اسلوب تانى خالص و مواقف كده يعنى...

و ختمت كلامك بــ" ام هي سلع للترفيه وقت الفراغ ولعب بالمشاعر لمجرد الرفاهيه وسد فراغ النفس وعند الملل نرميها في مزبلة الماضي ؟؟؟؟؟؟؟؟ ..........."

صعب اوى السؤال ده
و ما اعتقدش ان الحب اللى وصفته فى اول الموضوع ينتهى بالشكل ده خالص

و بجد بقى اخر كلمه اقولها و اختم بيها
الحب اللى بيتبنى على اساس صح و على الاسلام بجد بيبقى هو اللى بيدوم
مهما كانت المشاكل الموجوده فهو اصلا حب متين عمره ما بيتهز

شكرا يا احمد على اثارتك للموضوع

شكرا يا هند وربنا يجعلك من المحبين ومن المحببين.