أولا شكرا جدا ليكى با بلبله على اختبارك للموضوع . وعلى فكره الردود هتبقى مش كتير لانه موضوع صعبه وأسالته صعبه شويه .ثانيا هند ردت على الموضوع ده كويس ومفيد بس انتى تلاحظى ان هى اتكلمت عن الصراحه على انها هى النصيحه وده تلاحظيه فى السطور الاخيره من ردها وخلتها دايما متعلقه بأنى بنصحك بحاجه ممكن تكون وحشه فيكى مع انى شايف الصراحه غير كده خالص الصراحه ممكن تكون حلوه .مش شرط تكون الصراحه متعلقه بعيب فى الانسان اللى ادامك وانتى مش عارفه تبلغبه ازاى ممكن انسان يقول لك انتى جميله اوى .وكويسه اوى ودى صراحه. وممكن انسان يقول لانسان بلاش انتى. انت وحش اوى ومش كويس . واحلى صراحه ان حد يقولك(بحبك من كل قلبى )دى صراحه.واوحش صراحه ان انسان يبلغ حد ان فىانسان عزيز عليه جدامات. فالصراحه ملهاش دعوه بالنصيحه. ممكن بقى اجاوب على الاسئله بس لو سمحت يا مس ممكن احط رقم السؤال بتاعك وهجاوب على طول ولا هسقط.ههههههههه
1-بصراحه اه تحتمل أكثر من معنى .معلش انا اجابتى مختلفه عنكم بس هتعرفو ليه؟.عكس كلمه الصراحه ايه؟(الكذب).طيب عكس الكذب ايه؟(الصدق)يبقى معنى الصراحه ممكن يكون الصدق .ولا انا غلطان.زى ما اقولك جاوبنى بصراحه وممكن اقولك جاوبنى بصدق الاتنين واحد بس الصراحه تأكيد للصدق ومعنى ابلغ من الصدق ورده قريبه جدا من الحقيقه كلمه الحقيقه. يعنى ممكن اقول لك كلمينى بصراحه,وبالحقيقه,وبصدق. التلاته واحد فى نظرى .*ومفهومها فى نظرى فزى ما قالت هند الوضوح بس من غير لف ولا دورانولا تذويق فى الكلام.وبرده من غير اهانه او انى اجرح حد.
2-لما اكون بصارح انسان عقله ناضج ومثقف ويتقبل كلامى بمعنى انى خايف عليه .هنا هتكون الصراحه مفيده .وكمان اننا نتصارح فى حاجات مهمه ومفيده.ويستفاد منها وانا استفاد منها.
3-الصراحه ملهاش الا حاجتين سلبيتين بس (الفرح,الحزن)زى ما قلت لك ان انسان يصارحك بحبه ليكى ده شيئ هيسعدك جدا .وان انسان يبلغك بموت انسان عزيز عليكى ده هيزعلك جدا.وطبعا الفرح مش حاجه سلبيه يبقى ملهاش الا حاجه سلبيه واحده بس اللى هى الزعل .
4- كلمه تخاف دى ملهاش لزمه لأن مظنش هيقول لك انسان بخاف .بس كان ممكن تقولى هل تحاول ان تتجنب مصراحه الاخرين بحقيتقهم.انا بجاوب وبقول اه.واى انسان اه.انتى مثلا لو فى دكتور عندك جامعى وظالم ومش محترم ورخم هتقدرى تواجهيه بحقيقته ولا هتخافى .انتى مش هتخافى منه .انتى هتخافى على مستقبلك وده شيئ مطلوب لانه ممكن يسقطك انما بتحاولى تأجلى المصارحه دى لحد ما مثلا تكون دكتوره وزميله له ان شاء الله يارب يا نبيله ممكن هنا بقى تصارحيه وبكل صراحه ووضوح واى انسان كده ميقدرش يصارح الناس كلها بحقيقتهم وبيأجل المصارحه دى.معلش انا اجابتى غريبه شويه.
5-بيتهيألى ان مينفعش انسان يندم على الصراحه مع احترامى لصديقى وحب قلبى الداعى الى الحق .لان الصراحه دى صفه حسنه واللى يندم انه عملها لا يستحق ان يحصل على لقب صريح.بس ممكن نندم على اننا اتسرعنا فيها ويمكن ده قصد الداعى الى الحق انما نندم لا طبعا.وانا طبعا عمرى ما ندمت على صراحتى مع انسان بالعكس بكون سعيد جدا من الصراحه.
6-كلنا حصل لينا الموقف ده بلا استثناء شخص واحد .أنا بذكر انى مره قلت لمدرس صفع تلميذ على قفاه وسبه ولعنه بألفظ بزيئه .انا استقذر ارد على أماثلك وطبعا حصل اللى انتى قلتى عليه.ومره قلت للمدير ادام مدرس النصوص ان المدرس ده غير جدير ان يكون استاذ لغه عربيه وخاصه لثانوى لانه مبيعرفش يقرأ ابيات الشعر وبكل صراحه .ومره استاذكان بيحذر الطلبه من القنوات الفضائيه والدش وانا وقفت ادامه وبكل صراحه وسألته لو سمحت انت عندك دش وقنوات فضائيه فى بيتك جاوب وقال نعم .ومره امرت مدرس انه يطلع بره الفصل لان بيشرب سيجاره . فما دمت يا نبيله على الحق فمبغيرش موقفى وبفضل صامد انما لو انا غلطت فى حاجه مش هسيبه الا لما يسامحنى طبعا حتى لو هقعد امام بيته ليل ونهار انما لو عندى حق زى الامثال اللى فاتت فبكون سعيد من صراحتى حتى لو زعل اللى ادامى وميهمنيش زعله
7-أكيد طبعا فى فرق بس مع احترامى ل(الداعى)اللى قال ان الجراه فى الكلام زى الوقاحه بالظبط.وده غلط فى فرق كبير جدا بينهم.الصراحه معناها الوضوح زى ما قلنا بس بالشروط اللى قلنا عليه .انما الوقاحه فالكلمه دى دايما بيقولها البنات للصبيان الصايع ههههههههه وانا مظنش ان فى ولد عمره قالها لولد زيه انما دايما بيقولها البنات ومش للبنات كمان لا للصبيان ودى معظم الوقت يعنى مش على طول.فمن نظرى ان الوقاحه انى اخد منك حاجه غصب عنك او انى اجيب سيره اهل بيت صديقى اقصد النساء طبعا دى قمه الوقاحه . او انى اغازل بنت فى الطريق العام مع ان اى بنت بتحب تتعاكس ههههههههه بس دى برده وقاحه بصراحه مش عارف او معناها بس ده اللى فى نظرى.
*انما الجرأه فى الكلام فدى اى حد يتمناها معناها الشجاعه فى الكلام واى اب يتمنى ان ابنه يكون جريئ فى كلامه ومش معقول ان فى اب يتمنى ان ابنه يطلع وقح.الجرأه انى مخفش من حد وانا بكلمه واكلمه وبكل شجاعه .وربنا يرزقنا الجرأه فى الكلام وليست الجرأه عليه .ولا بد من الجرأه فى الكلام امام الظالمين .
8-هنصحك يا عزيزتى بصى يا ستى انتى الاول تصاحبيه اوى اوى وتقربى منه اوى اوى . بعد كدهنقوله انت اخويا وانا اخوك ولو انا غلطت وانت صارحتنى بغلطى انا عمرى ما ازعل صح هيقول لك تمام قولى له وانت برده لو غلطت وصارحتك هتزعل هيقول لا طبعا قولى له بجد هيقول اه وتقوم لازقهال
ه ههههههههه بس بضحك كده وتخبطى على كتفه بدلع شويه علشان مينصدمش .وبس بس برده انتى أسألتك بتدور حول كلمه النصيحه والصراحه ومعظم اللى ردو واللى هيردو هيكون قصدهم على النصيحه مش الصراحه وفى فرق.
هقولك فى الاخر
(الصراااااحه راحه يا عينى )ههههههه. على رأى اللى متتسماش
أدى الصراحه ولا بلاش .
هههههههههههههه
الأحد سبتمبر 30, 2007 2:32 pm
يعنى تقول الكلمه و ترجع تندم عليها عشان جراتها ف الكلمه و سرعتها فى نطقها