ايهما أصعب فقدان الصديق ام خيانته ام جرحه ؟؟؟

السلام عليكم ورحمة الله وبركاته



سؤال الاجابة عليه صعبه والاختيار اصعب

و أريد معرفة ارائكم ...


أيهما أصعب فقدان صديق ؟ أو خيانته ؟ أو جرحه ؟



ماذا تفعل عندما يبتعد عنك اعز الناس

عندما يبتعد عنك اعز الناس ويتركك تائها وحيدا ليس لك طريق تسلكه.
عندما تبحث عن واحد يفهمك وتفهمه ولا تجد

في هذا الزمان من يمد لك يد العون

عندما تجدالجميع بعيدين عنك حتى الشخص الذي صادقته وتقبلته

عندما تصادق وتعز شخص ما
وتصدم في صداقتك له

عندما يواجهك مأاازق او مشكله ما
فلا تجد اعز الناس الى جانبك

عندما تفقد الامل في الجميع

عندما تجد نفسك وحيدا وانت في اشد الحاجه لمن يساندك فماذا تفعل ..؟


و تعيش بدون ان تشعر بطعم الحياه

شعور قد يكون مر به الجميع

لاادري ايهما اصعب ؟



فقدان العزيز ام خيانته ام جرحه ...



ارجو الرد بكل صراحة

هما التلاته اصعب من بعض
مش فاهمه ايه حكاية الاسئله المحيره معاك يا احمد
بس اعتقد ان الفقدان اصعب
ولكن بردو متوقف على قدر الخيانه او الجرح لان فى مواقف تتمنى انك كنت تفقد صديقكك قبل خيانته او جرحه ليك
فهى متوقفه على مقدارهم بالنسبه ليك
وشكرا على اسئلتك اللى محيرانا علطول
هههههههههه

صراحه الاختيار محير كلهم اصعب من بعض جدا

لكن الخيانه هي الاشد ايلاما
لانها تترك جرحا لا يمحي بمرور السنين بل يظل يراودك الالم كلما مرت بخاطرك ذكريات الايام والاحداث التي مرت بك مع هذا الذي اعتبرته صديقا الا ان هذه الذكريات تكون عاملا من عوامل الالم الذي تشعر به فالمرء يصاب بالندم علي ما فاته من عمره مع شخص لايستحق ذلك

اما فقدان صديقك فقط يؤلمك لكن كل ذكري كل ضحكه ودمعه كل ثانيه قضيتماها معا تظل ذكري رائعه تستعذب تذكرها والحديث عنها

اما جرحك فهو نوع من الخيانه لما هو بينكما من صداقه

لذا فالخيانه هي الاصعب
قال رسول الله (صلي الله عليه وسلم)"يطبع المؤمن علي الخصال كلها الا الخيانة والكذب" عافانا الله منها

شكرا ليكى يا نور . ويا رب يا ستى ما تتحطى فى الاختبارده.كلامك مقنع وجميل .شكرا ع المرور

شكرا ليكى يا بليله.

بجد التلات اصعب من بعض
عارف يا احمد انك تفقد اعز حاجة عندك صديقك ياة دى حاجة بجد كبيرة بس الموت علينا حق واللة يرحمك يا محمد بجد كنت باحبة جدا وكان صديق العمر
لكن خيانة الصديق هى تزعلنى اة
لكن مادام هو خاين يبقى شكرا كدا علية
بردك جرح الصديق صعب بس اظن مفيش صاحب او صديق يجرح صديقة ولا اية يا ابو احمد

شكرا يا أنس على ردك الجميل .ياااااااااااااامغلبنى .

اهم حاجة لازم نحط فى الاعتبار

ان مش اى حد عرفناة يبقى صديق

الصديق دى كلمة جامدة قوى و كبيرة قوى

اما بقى الفقدان دا

صعب صعب صعب


اما الخيانة و الجرح

دول عمرهم ما يجوا من صديق بجد

و لو حص دا فى يوم من الايام


فعمرو دياب بيقول

مين منا اتعلم ببلاش ؟؟؟



مش مشكلة
الدنيا مش هطير

المهم نتعلم من اللى حصل دا

فهمان و لا مش فهمان ؟؟؟؟

ياة يا كابتن عادل انت اللى بتتكلم عن الصداقة يا لهوىىىىىىىىىىىىىىى
انت اكتر واحد تعرف معناها

شكرا يا دياباوى  انت وداااااااااعى......ومتزعلوش من بعض انتو مهما كان انتو اخوه فى الله...

ربنـــــــــــا  يهديكم.

من راى ان فقدان الصديق او خيانته واحد لان الصديق لو سابك فى وسط عذابك وحيرتك يبقى خانك ولما يسيبك وانت فى ماازق لوحدك برده يبقى خانك ده غير انه ميسالش عليك فى محنتك تبقى خيانه
الا لو كانت ظروفه كمان صعبه
ولو تقصد الفقدان بمعنى الوفاه يبقى فى راى الوفاه اصعب لان الخيانه بتسيب جرح تخليك تكرهه او اقل حاجه متبقاش بتحبه لكن الوفاه بتبقى صعبه لانه بيكون معاك وفجاه متلاقيهوش فقدان الصديق او الحبيب اصعب بكتير لانه شبه الصفعه على خدك بتفوقك وتفكرك وتنبهك وتذهلك وتخضك فى نفس الوقت وانت مش عارف الصفعه دى جت منين وازاى ومين اسئله بلا اجابه
بنتجرح اه وبنتالم اه بس الفرق انه فى الخيانه بيبقى الالم بايد الصديق
فى الفقدان بيبقى عشانه

كلمات مفهومه_سهله_تصل للقلب بسرعه_مرتبه

بحيك يا snow tears

وشكرا على مرورك..

اصعب حاجة فى الدنيا فقدان الصديق يعنى وفاتة من الاخر اما جرح وخيانة الصديق فدى ندالة ويغور فى داهية وهيجى اللى احسن منة
والواحد بيتعلم
وربنا يكفينا شر الناس اللى بتاذى الناس

التلاته صعبين مفيش فرق
بس مشكلة انى اتفاجىء بموقف حد
او اثق فى واحده ثقه عمياء و فى الاخر تطلع غدارة او تجرحنى بأى شكل
فدى غلطتى انا انى ائتمنتها على نفسى و انا ما عرفتش شخصيتها كويس
يعنى الخيانه و الجرح من الشخص ده بيبقى بسببى انا اللى اديتها الفرصه لكده
و طبعا هى وضحت صورتها بعد كده بس متأخر

لكن اللى بجد بيأثر فيّ هو فقدان صديقه عزيزة عليّا
مش موت زى ما محمد قال او المومت جزء من الفقدان
بس انا اقصد الافتراق انى افترق عن صديقه كنب بحبها جدا
و للأسف انا مريت بده كتييييييييييييييير جدااااااااااااااااا و عشت مواقف كتيرة مع اصحاب ليّا افترقنا عن بعض و كده
و اللى يأثر اكتر ان فعلا كنا عايشين مع بعض تقريبا

فبجد يمكن هى دى اكتر حاجه بتأثر فيّا

عموما شكرا يا احمد ع الموضوع
بس مش عارفه ليه انا كنت فاكره انى رديت ع الموضوع
لما دخلت ما لقيتش ليا اى رد
معليش على الرد جه متاخر
شكرا ليك

شكرا يا هنـــــــــــد وانا كنت بعتبر ردك وصل لى من زماااااااااااان..

عموما يا ستى ربنا ما يوريكى اى حاجه من اللى قلتها..وتفضلى دايما

سعيده..يااااااااااارب..يا هنـــــــــد يا بنت أم هند..

بجد اصعب حاجة لما تطلب مساعدة من حد كنت بتقدم لية المساعدة اصلا
اصعب حاجة لما حد ينصحك بغرور وتكبر
اصعب حاجة انى خايف
اصعب حاجة
لما صديقك يقولك انتى بتشكى ليا وبتفضح نفسك وبتعرفنى اسرارك